Phishing
Phishing handlar om å lura deg til å gi frå deg opplysningar som kan misbrukast.
Nyttige ord
Ord | Forklaring |
|---|---|
Phishing | Når nokon prøver å lura deg til å gi frå deg opplysningar som kan misbrukast. |
Innloggings- og betalingsopplysningar | Opplysningar du aldri skal dela med andre, til dømes passord, BankID-kodar, eingongskodar og kortinformasjon. |
Lenkje | Tekst eller ein knapp du kan trykkja på for å opna ei nettside eller anna innhald. |
Falsk nettside | Ei nettside som er laga for å lura deg. |
E-post | Ei digital melding som blir send og teken imot over internett. |
Kva er phishing?
Ordet phishing kjem frå det engelske ordet fishing (å fiska). Svindlaren prøver å «fiska» etter opplysningar frå deg.
Phishing er ein type svindel der nokon prøver å lura deg til å gi frå opplysningar, som:
Passord
Brukarnamn
Kredittkortnummer
Bankkortinformasjon
BankID-opplysningar
Personnummer
Får du ei slik førespurnad, bør du alltid stoppa, tenkja og sjekka!
Kvar skjer phishing?
Phishing kan skje på fleire måtar. Svindlarar kan prøva å lura deg gjennom:
Tekstmeldingar (SMS)
E-post
Telefonsamtalar
Sosiale medium
Falske nettsider
Døme på phishing
Du får ei tekstmelding som ser ut til å koma frå banken. «Kontoen din er sperra. Klikk her for å stadfesta identiteten din.»
Lenkja fører til ei falsk nettside som ser ekte ut. Viss du loggar inn med BankID eller skriv inn passordet ditt, kan svindlarane stela opplysningane dine.
Visste du at?
Phishing er ein av dei mest brukte svindelmetodane på internett. Sju av ti verksemder har blitt utsette for phishing-forsøk.
Korleis kjenner du igjen phishing?
Sjå etter desse teikna:
Meldinga skaper stress eller hastverk
Du blir beden om å klikka på ei lenkje
Du blir beden om å oppgi BankID, passord eller andre opplysningar
Svindlarar brukar ofte namnet til ei kjend verksemd eller offentleg etat for å verka truverdige
Verkar tilbodet for godt til å vera sant? Då er det ofte det
Meldinga kan ha skrivefeil, dårleg språk eller formuleringar som verkar unaturleg
Kva bør du gjera?
Ikkje klikk på lenkjer i tekstmeldingar du er usikker på
Oppgi aldri BankID, passord eller andre opplysningar
Er du usikker, ikkje bruk lenkja i tekstmeldinga. Gå heller til verksemda si nettside sjølv eller ring telefonnummeret du finn der