FRAM
Med FRAM-appen kan du planleggja reisa og kjøpa bussbillett heimanfrå. Då har du billetten klar før du går om bord på bussen.
Nyttige ord
Ord | Forklaring |
|---|---|
FRAM-appen | Appen for kollektivtrafikken i Møre og Romsdal. |
App | Eit program du lastar ned til mobilen eller nettbrettet for å utføra bestemte oppgåver, til dømes Vipps eller NRK. |
Sanntid | Oppdatert informasjon som viser kva som skjer akkurat no, til dømes kvar bussen er. |
Honnørbillett | Ein billett med redusert pris for mellom anna pensjonistar. |
Betalingsmåte | Måten du betaler på, til dømes med bankkort, Vipps eller faktura. |
Kva er FRAM-appen?
FRAM-appen er appen for kollektivtrafikken i Møre og Romsdal.
Kva blir FRAM-appen brukt til?
I FRAM-appen finn du det du treng for å reisa med buss, hurtigbåt og ferje i Møre og Romsdal. Dei fleste brukar appen til å kjøpa billettar, sjå avgangstider og planleggja reisa.
I tillegg kan du
lagra stadene du ofte reiser frå og til
sjå oppdaterte avgangstider
følgja avgangen i sanntid på kartet
filtrera reiseforslag etter transportmiddel
kjøpa billett direkte frå reiseforslaget
Rettleiing: Slik kjem du i gang med FRAM-appen
Denne rettleiinga viser deg korleis du kjem i gang med FRAM-appen. Du får sjå korleis du loggar inn første gong og legg til ein betalingsmåte.
Rettleiing: Slik planlegg du reisa og kjøper honnørbillett i FRAM-appen
Denne rettleiinga viser deg korleis du planlegg ei reise og kjøper ein honnørbillett i FRAM-appen. Då får du riktig pris og slepp å betala for mykje.
Oppgåve
Logg inn i FRAM-appen og legg til ein betalingsmåte.
Bruk gjerne rettleiinga: Slik kjem du i gang med FRAM-appen.
🎯 Mål: Bli kjend med FRAM-appen og legg til ein betalingsmåte, slik at du enkelt kan kjøpa billett når du skal reisa.
💡 Tips: Du kan øva på å bruka FRAM-appen heime. Du treng ikkje å reisa for å bli kjend med appen.