Vipps

Send pengar til familie og vener, og ta imot betalingar raskt og trygt.

📙

Nyttige ord

Ord	Forklaring
Vipps	Ein app for å senda og ta imot pengar, og for å betala med mobilen.
App	Eit program du lastar ned til mobilen eller nettbrettet for å utføra bestemte oppgåver, til dømes Vipps eller NRK.
Å vippsa	Å senda pengar med Vipps.
Digital tjeneste	Ei teneste du brukar på internett eller på mobiltelefon, nettbrett eller datamaskin.
Internett	Eit verdsomspennande nettverk som koplar saman datamaskiner, mobiltelefonar og nettbrett.

Kva er Vipps?

Vipps er ein app som gjer det mogleg å senda, ta imot og betala pengar med mobilen. Appen er knytt til bankkontoen din. Derfor kan du overføra pengar med nokre få tastetrykk på mobilen.

Å vippsa betyr å senda pengar til ein annan person ved å bruka Vipps-appen. Vipps brukar telefonnummeret ditt. Når du vil senda pengar til ein ven, eit familiemedlem eller andre, finn du personen ved å skriva inn telefonnummeret deira.

⭐

Visste du?

Så mange som 4,7 millionar nordmenn brukar Vipps for å senda pengar, betala i butikk og handla på nett! Mange brukar òg Vipps til å betala til bedrifter og organisasjonar, men det tek vi ikkje for oss i denne rettleiinga.

Kvifor og kvar brukar ein Vipps?

Vipps blir ofte tilbydd som betalingsløysing i ulike digitale tenester. Nokre praktiske døme er at du kan velja Vipps som betalingsmåte når du kjøper bussbillettar eller handlar på internett, i staden for å bruka bankkort. Mange opplever at det går raskare og kjennest trygt å betala med Vipps fordi dei har gjort det på same måten mange gonger før. Repetisjon og mengdetrening er noko mange peikar på som viktig.

Dei vanlegaste måtane å bruka Vipps på er:

Senda og ta imot pengar frå familie og vener (sjå rettleiinga under)

Handla på internett

Betala rekningar

Kjøpa billettar

Betala med mobilen i fysiske butikkar

Betala med mobilen til organisasjonar og lag

Logga inn på digitale tenester