Slik set du opp ei digital lommebok i Vipps
Betal med mobilen i staden for bankkort. Her lærer du korleis du kjem i gang.
Nyttige ord
Ord | Forklaring |
|---|---|
Tæpping | Å betala ved å halda mobilen inntil betalingsterminalen. |
Vipps | Ein norsk app for å senda og ta imot pengar, og for å betala med mobilen. |
Å vippsa | Å senda pengar med Vipps. |
Kontaktlaust | Å betala utan å setja inn eller dra bankkortet. Du held i staden mobilen eller bankkortet inntil betalingsterminalen. |
Digital lommebok | Ei teneste der du kan leggja inn eitt eller fleire bankkort digitalt på mobilen og bruka dei til å betala kontaktlaust. |
Digitalt bankkort | Ein digital versjon av bankkortet ditt. |
Apple Pay | Ei digital lommebok frå Apple. Ho lèt deg leggja inn bankkortet ditt og betala med iPhone eller Apple Watch – på same måte som når du tæppar med Vipps. |
Kva er tæpping?
Å tæppa med Vipps betyr å betala med mobilen ved å halda han inntil betalingsterminalen, i staden for å setja inn eller dra det fysiske bankkortet gjennom kortterminalen.
For å kunna gjera dette må du ha eit digitalt bankkort på mobilen. Det finst fleire tenester du kan bruka. I denne rettleiinga brukar vi Vipps som døme.
Eit digitalt bankkort er ein digital versjon av bankkortet ditt som er lagra på mobilen.
Kva må du gjera først?
For å kunna tæppa med Vipps må du først aktivera tenesta i Vipps-appen og kopla til bankkortet ditt. Vi har laga ei steg-for-steg-rettleiing som viser korleis du gjer dette. Dette er noko du som regel berre treng å gjera éin gong.
Når dette er gjort, er du eitt steg nærare å kunna tæppa med Vipps.
Rettleiing: Slik aktiverer du BankAxept-kortet ditt i Vipps
Betal med Vipps, også i utlandet
Visste du at Vipps er eit norsk alternativ til Apple Pay? Vipps starta i Noreg, og no kan du bruka tenesta til å betala i butikkar over heile verda.
Over 1 million nordmenn har aktivert bankkortet sitt for tæpping med mobilen. Blir du den neste?
Oppgåve
Prøv å leggja til eit bankkort for tæpping i Vipps ved hjelp av rettleiinga «Slik aktiverer du BankAxept-kortet ditt i Vipps».
🎯 Mål: Bli kjend med korleis du set opp tæpping med Vipps.
💡 Tips: Ta deg god tid og les kvart steg nøye. Viss du legg til kortet no, er du eitt steg nærare å kunna betala med mobilen neste gong du er i ein butikk.